2010 東京 (unfinished)

第1次自由行去東京, 之前一路都好擔心, 究竟點轉車呢, 要行幾耐呢, 會唔會蕩失路呢
個感覺好似自己第1次去曼谷咁, 今次仲要plan 得好迫切下, 係最尾果幾日先的起心肝去度行程
上網睇東京既天氣大概係15-25度, 都一人執定件長褸, 就算凍都可以頂下


第一天


最後一晚plan到點幾兩點先捨得訓, 然後4點幾又要爬起身
較左幾個鬧鐘, 點知我禁完都訓番, 最尾tree手提鬧鐘響, 凸然醒覺唔可以再訓, 即刻彈醒, 好彩..........
因為visa做緊promote, 泊5日有蓋既富豪停車場都只係$300 咁抵, 梗係渣車啦
同上次一樣靠一罐red bull 醒神, 去到機場天都光哂lu
雖然前一晚上網check in 左, 不過Delta個e-check in 都係廢廢地, 又係要地勤姐姐幫手先搞掂
淨係寄行李就搞掂lu, 都算快手, 仲係機場撞到原來同一班機去既同學仔mandy~
不過我都唔知點解咁趕, 連平時既渣passport 係 gate 影既經典相都無時間影 :(


Delta d 早餐都還可以啦, 訓下睇下戲就到東京了, 聽到機長話東京係14度, shit!!!!!!!!!!!!!!!!
拎左行李就衝呀衝, 衝去買 N'ex + Suica set, 果陣係2點正, 好彩都catch到2點3果班車
不過係舊車黎呢, 仲要!!!!!!!!!!! 係倒頭車, 勁可惡 :(
大概3點9就到新宿站喇, 一路都見到有d雨, 一落車凍到爆.............
拖住o急行到新宿西站搭大江戶線1個站就到東新宿喇, 行到上A1出口, 驚人既事情發生喇
原來d人係無吹水, 一出地面行10步就已經係酒店喇!!!!!!!!!!!!!!!
拿拿臨 Check in 衝上房, 呢間咁既蚊型房大概係我地上次去phuket果間酒店既廁所咁上下...........
而佢個廁所係細過我地住緊果間屋個廁所既, that's it!
不過整體都好新淨好乾淨, 最起碼床鋪係白雪雪的, 仲要係席夢斯! 勁舒服勁好訓!!!
出酒店行幾十步已經有間Lawson, 之前上網已經預約左宮崎駿三廌博物館既飛, 但係要係Lawson 比錢先有正式既飛
係Lawson 入面搵搵搵, 但個問題係應該係邊部機篤我都唔知..........
直接將份print out 隊比個cashier, 佢即刻走去幫我搞, 之後佢篤完叫我入我個名.............
入名唔係問題, 不過全部係日文黎囉!!!!!!!!!!!!!!!
佢見我呆左係度佢就問我叫咩名, 我抄低再讀埋比佢聽, 佢就係度篤篤篤, 原來係要用日文篤番個譯音落去
終於順利搞掂喇, 成日淨係食左個早餐, 就係Lawson 是旦買左舊炸唔知乜東東頂住肚
跟住就冒於嚴寒既天氣+落住雨咁行番過新宿醫肚, 有睇我facebook都知我地第1日係慘到爆...............
其實第1日我係plan 左上高島屋食飯, 但係行到新宿近JR我地已經餓到爆廠
我叫梁生是旦pick 一間入去食, 咁岩又見到吉野家有燒牛肉定食, 好似幾吸引喎! 就比佢吸左入去......
上左2樓坐, 點左2個燒牛肉定食, 然後樓下整好, 就會經一個類似升降機既物體send 上黎上層
食落其實都唔差, 都可以叫做好味添, 呢餐2個人都食左1000yen 架喇, 食飽就開始我地既地獄shopping 喇


一路都落住雨, 見到成街無論男女老幼都係擔住透明既遮 (多數係黑色/白色遮柄)
搞到渣住一包迷彩遮既我地異常凸出, 於是即刻係 Comme Ca Store 買番把透明遮扮下o架仔o架妹先!
之後行到去高島屋, 第一站就係 Tokyo Hands 喇!

2009 布吉 + 曼谷遊記 Part 6

16/11/2009 (Mon)

今日大家都好hea, 訓到早餐時間都過埋, 無所謂啦, 反正咁難食..........
第一站係去林真香買, 盤川用盡, 又要唱下錢, 老闆娘好funny, 佢d 中文好似電話錄音
同老闆娘影張相, 佢話哎呀我好肥呀.....
最後一日要衝刺喇, 又去Zen, 佢地再買底底, 我都係忍唔住手買左2 套Morgan
hehe, 3次黎曼谷都有買Morgan, 呢個已經成為我既傳統 :D

行番去 Siam, 又要衝落去 Gourmet 買手信, 同埋2大盒芒果糯米飯諗住番酒店食
再行過隔離Siam Centre 食Greyhound, 食飽就搭的士番酒店
點知遇著個岩岩出黎做既司機, 唔識路.......唔好玩啦........想點呀..............
唯有開住個google map 帶佢行, 點知又塞下塞下, 仆街! 又要落車行!
時間已經好緊迫, 番去叫佢地執行李, 搞到連個糯米飯都無時間食
然後就拿拿臨上的士番機場, 梁生係酒店已經屙到面青口唇白, 點知一落的士仲嘔..........

衝去check in, 仆佢個臭街前面果幾個香港人唔知搞乜撚野搞左好撚耐!!! 過磅就速速磅水啦!!!!!!!!
搞到已經無乜時間, 落樓下坐低爬埋果2個糯米飯, 好喇, 4點鐘, 4點半起飛, 入閘啦仲望
19 話要去廁所, okok, 屌你開大出聲丫!!!!!!! 我以為你屙尿呀!!!!!!!!!!
等等等, 等到4點3 先施施然行出黎!!!! 大佬我地仲未過Immigration 架!!!!!!!!!!!!!!!!
例牌要排, 仲要出聲問下前面果幾個日本人可唔可以比我入先, 入到去狂奔
你要知道曼谷機場入左閘之後果條shopping mall 係有幾長, 我地仲要跑到去最右!!!!!!!
我跑到去果陣已經搭5, 好彩唔係最後果3個上機, 不過已經夠哂樣衰!!

屙屎屙到我地3個爭d 番唔到香港, 當時我塊面絕對係黑過鑊撈。

番到香港lu, 梁生咁既款, 搭機場快線快快趣趣番屋企lu...
後記:第一次去布吉呢撻地方, 在巴東見到好多海嘯牌 (教人向邊個方向逃生), 依然心有餘悸
事發已經接近5年, 好多地方已重建, 繼續熱鬧繁榮
見到好多布吉當地人真心的笑臉, 衷心希望呢個咁美麗的小島不會再被無情災害所催殘

PHUKET, I WILL DEFINITELY COME BACK!

已經好期待下一次重臨布吉, 一定會去國家保護群島Similan Island 度睇海龜^^
如果可以放長假, 甚至希望可以係布吉學潛水
被大海擁抱的感覺總會想起爸, 尤其是浮潛的時候, 想起他常常一個人潛到海底射魚, 好厲害!
我好想好想親近大海, 像爸爸熱愛大海一樣。

對對, 第三次來曼谷, 雖然依然喜歡這個地方, 但下年應該不會再來了, 因為已被對布吉的熱愛蓋過 :D
btw 我黎左三次都無去Suan Lum Night Bazaar, 今次間酒店咁近都唔去, 抵打!
成日話執話執, 我相信我下次再黎果陣佢應該係會執左架喇。
第一次同19小子去旅行, 雖然佢真係好麻煩好多野 (一日總會聽到佢哎呀三四次, 又唔知整到乜邊度痛喇)
不過同你去旅行都好快樂! 有你d 爛gag, 仲有你驚人既食量總會幫我地清哂抬, 不用浪費 ^^
影相呢就...仲以為多個人會多番好多同tree 既合照, 但其實都唔係多好多............哼你失職呀!
Thailand, 我地下次見啦!

2009 布吉 + 曼谷遊記 Part 5

15/11/2009 (Sun)
今日星期日, 黎到曼谷, 梗係去JJ market啦!
落去食早餐, 好少choice, 同埋已經唔算好食架啦, 諗住即整 Omelette 會好d, 點知賴野
究竟係我孤陋寥聞定係真係有問題呢? 我第1次食到冬菇um列, 好難食...............

經過尋日塞車一役, 已經唔係好想搭的士, 就搭BTS 啦, 酒店行過去, 好...那...熱.............
今次行得唔多, 買得好少野, 我好似係一樣野都無買tim..........
而佢2個就買左好多衫, d tee 圍番大概$50 件, d print 好靚!!
19買左件 I AM A VIRGIN               (THIS SHIRT IS A VERY OLD SHIRT) 扮大人!

熱到格啦底都出哂汗, 19話底褲都濕埋, 就上的士去水門食雞飯
點知呢條死剷!!!!!! 兜我路!!!!!!!!!!!!!!!!!!!!!!!!
我比埋路牌張相佢睇, 我要去33, 我見到對面係36, 屌你轉右左咪岩囉
仆佢個街佢直去!!!!!! 越行越遠!!!!!!! 行到勁遠先有得U turn, 狂炳!!!!!!!!!!!!!!!!!
雖然到最後都只係120B (我諗貴左20B-40B 講緊唔夠$10 港紙)
不過最憎你地d 人唔老實呃遊客!!! 搞到曼谷個朵臭哂!!!!!!!!!!!!!!!!!!!!

哼, 嬲死我!! 整番支大可樂下下火, 終於食到雞飯lu, 掛得你地好苦呀!! 依然係30B 好好味 ^^
3條友 3個飯 3個湯 3杯野飲, 120B, $30 港紙唔洗, 我係香港食到一個咋.........
諗住搭的士番去, 點知又塞車...........救命呀..................................
去到Nana 附近真係頂唔順, 塞極都唔行! 落車行去BTS 再搭番去酒店算x數!

番到酒店, 見時間尚早就落去游下水, d 水好凍, 個池係鹽水池所以d水好咸 :D
我地係按摩浴池玩左好耐, 因為佢d 水係會不停咁轉
當我地放鬆哂浸係水入面係會跟住水流不停咁轉, 次次起身都唔知自己轉左去邊 :D 感覺好funny!!!

之後就換衫出發去Coran 做蜜沙池, 去到 Asok 站已經見到Coran 架車等緊
本來book 左3個都係做個半鐘香薰推油 + 半個鐘 Body Scrub, 但果2條友仔sun burn
咁佢就話不如做2個鐘body massage, 香薰油就改做cream, 價錢一樣可以做半價比我
但係...我地3 個要share 一間triple room, 耶...........要除衫架wor...................
佢話dun worry, 我換衫/take shower 果陣佢會搵毛巾姐住佢地對眼架喇...都無計啦........
佢地既treatment room 好靚, 間房有埋宅姑池, 不過我地個package 係無得浸既
咁分開沖完涼就開始喇, 我個人鍾意Lavana 既推油多d! 不過做完佢個body scrub 真係滑一滑~~
埋單都係4000B 再加tips, 抵! 如果下次再黎可以試埋spa package, 都係5舊零水做4個鐘! 好平!!
最後奉上3個石榴味雪糕 & 熱茶, 個雪糕酸到呢.............

等緊的士黎果陣我地出番大門口影相, 我一坐落張chair 度發現林林地既........
一起身發現頂!!!! 原來我坐住左隻黑色肥貓!!!!!! 好奇怪地佢又無伸抓無發狂喎, 繼續訓..............
去番Asok BTS 搭過去 Chitlom, 衝番上 Central World 7/F, 今晚食日式網燒~~~

去到赤 (AKA), 佢話last order 架喇, 所以乜都唔理拎起個menu 狂點
嗌左2個combo set, 然後又散嗌左d 牛呀豬呀多春魚呀, 熟既就有天婦羅吉烈豬扒餃子燒魷魚燒餅金菇肥牛卷極速上菜, 燒呀燒, 佢個炭爐好夠火d 野好快熟, 正!!! d 肉唔駛點sauce 已經好夠味, 尤其係我最愛既牛舌~
狂風掃落葉, 十九幾碟野就咁就清哂, 19真係好厲害!!!!!! 埋單2400B, 唔駛6舊水, 係盛八過千啦頂!

見咁早梗係飲杯野先番去啦, 係7/F 可以直接出停車場搭上Centara Grand 55/F
Red Sky, 終於黎到喇, 係度睇夜景一流! 有sofa 位, 好hea~
我飲Lychee Martini, 佢地就飲唔知乜Q野又有奶又有酒既野
19無帶閃燈, 一向溫文爾雅的梁樹仁對住19講: 仆街, 早知我帶啦屌你
因為當時環境好黑, 照明既只係抬面既小燈同埋佢個不停轉色既大標誌, 無閃燈, 影屎忽?
好彩梁生有計, 佢iphone 不嬲有一張全白既圖, 將個mon 較到最光, 玩飛燈!
嘿, 仲自然 & soft 過落閃囉 :D
坐到12點零就番去lu, 1100B 3杯drinks, 同Distil Bar 差唔多, 不過呢邊方便好多喎!
番到酒店狂自拍 :D 用魚眼自拍好正 :D
切埋芒果, 食埋個芒果餐就訓lu!~

2009 布吉 + 曼谷遊記 Part 4

14/11/2009 (Sat)
一朝早去游個靚水, 成個泳池得我地三個, 好爽! 對正個海晒下太陽, 唔捨得走呀..
番房沖身, 食早餐, 佢杯latte 沖得唔錯, 佢見我飲哂問我要唔要多杯, 我就話好啦
點知一早飲完2杯latte, 胃痛............


本來今日諗住去Kata View Point 度影相睇風景, 但見時間好趕就決定唔去, hea下啦不如
其實咁樣仲好, 去旅行就係為左嘆下架嘛!
番房開大窗簾攤係張床睇下書影下相, 好嘆~~~
之後去lobby 上網幫19小子加大行李, 有2部電腦可以上網既
最後最後...都到左check out 番機場既時間...
好唔捨得Outrigger.....................有緣會再見................................


約左Mr. Sawat 1點, 我地12點9到機場就見到佢等緊啦!
原來漏左GR個相機袋係車度, 好彩佢見到拎番過黎咋, 又一Lucky!
轉機過曼谷, 發現曼谷機場搭的士搬左落最底果層, 今次個司機好似幾老實, 不過一出tollway 就塞大車...
用左差唔多成個鐘先到酒店, 一入Sathorn Road, 過左Banyan Tree 見到油站轉左就係酒店了~Check in 果陣有3杯透心涼的welcome drinks, 很好喝!


上房lu, 都好大下, 同官網照片差不多, 2房2廳2廁 (1套廁), 餐具都好齊全!如果唔係住左Outrigger, 我諗我對呢間酒店既好感度會加倍.......
酒店安頓完, 落去搭的士, 5星級真係唔同d, 會抄哂車牌同要去既地方
本來諗住去水門食雞飯, 點知又遇到曼谷最可惡既塞車!
果隻塞既程度係你望住盞紅燈, 見到佢倒數, 轉綠燈, 你架車都無郁過
要轉多2次, 你架車先稍為行前一個車位, 救命, 塞到去近bts, 落車行算!


因為溝通上既問題, 搞到我係天橋發左個天大既脾氣! 不好意思啦兩位團友!
行到去Central World, 餓到隻野咁, 不如食少少野先, 見到Mos Burger, 照殺!
價錢同香港差不多, 香港好似仲好食d 添.........但係點解可樂無氣既............?


周圍逛下, 我地去到泰國都不忘入Bread Talk 行個round, 車, 都無冬蔭功包既!
例牌行過Zen 買爸爸, 無乜減價, Morgan 要買2set 以上先有折...忍手:(
19小子就係上一層買底底, CK 很平!!!! 半價!!!!!! Tree 都掃左2條boxer ^^
之後過Big C 狂掃零食, 然後抽住一袋二袋上的士, 出發到建興~
今次個司機帶口罩既, 我話去Somboon, 一開波已經講到明叫佢車我去Somboon, no Somboondee!
行行下, 佢又問我why Somboon? 條pk 肯定又想車我去謀人寺! 呢d 人摟ban, 唔ban 唔安樂!
好彩我即上thailandfans 睇下大概係邊個位, 加埋Google map (係呀係曼谷終於正常番...)
起碼都知道佢有冇亂兜, 嘿, 原來很易行, 下次可以係National Stadium 行過黎添!
去到建興, 原來呢間係我同tree 第一次黎果間分店! (其實呢間應該係總店, 因為有小泉純一郎張相架!)


係的士上我見到tree 一路um 住個口, 我仲以為佢覺得臭, 落車佢問我: 你見唔見到佢個口罩有血....
頂, 我當堂發哂茅! 快快趣趣order 左生蝦, 招牌咖喱炒蟹, BBQ 大頭蝦, 炸蝦餅, 炒魷魚, 同埋炒怕羞草莖
即刻沖去廁所洗面同洗乾淨隻手同手臂, 唉, 都仲覺得個人好痕...好驚個司機唔知有咩菌 :(


哼, 出到黎有人向我自首, 原來佢2條友仔趁我去廁所果陣偷偷地點左3隻生蠔!!!!!!!!!!
我講左係布吉食好啦, 係曼谷唔好食喇, 係都唔聽話!!!!!!
tree 之後屙, 都唔知係咪因為呢隻生蠔! 19你無事係因為你夠肥你抵抗力好咋!!!


建興質素一如以往, 都係好味兼唔貴, 咖喱超送飯, 個魷魚都好正下!
生蝦都係肥肥白白, 炸蝦餅呢...我當時無講出口, 其實我覺得有陣尿味....所以我淨係食左一舊仔.....
tree 食左一條炒怕羞草莖就唔肯再食, 佢話好似食兔仔咁, 一樣都係好殘忍...................--
呢餐食左 1350B, 3舊水鬆d, 飽哂~!


搭的士番酒店, 嘿嘿, 我一上的士就沙嘆road soi 三 (三思果個三), 搞到d 的士佬以為我是泰妹 :D
番到去, 又浸下泡泡浴先! 呢個浴缸細很多, 2個人浸都有點勉強 (面紅) Outrigger 的很寬敞ga!
2條麻甩仔係廳飲啤酒睇波 (國際賽呀有), 我又係時候訓lu!

2009 布吉 + 曼谷遊記 Part 3

13/11/2009 (Fri)

好彩天公做美, 藍天白雲!
去餐廳食早餐, 佢d 早餐款式唔多, 另外有d set order求其order 左omelette, 同埋炒蛋+煙肉, 整多杯咖啡就起行
今日係出島的日子, 係泳池借埋毛巾, 行到酒店門口, 架車同2個鬼已經等緊, 耍個lum 就上車lu
好快就去到集合既地點, 等左好耐! 點解d人咁無守時觀念架, 搞到起碼遲左半個鐘先開船!!

上船啦, 一早就食定暈浪丸, 架船好快, 海面好大浪同埋好好風
諗起大家係香港拼搏我就係度吹海風嘆世界, 感覺零舍好架姐~
首先係Racha 沙灘度放低我地先, 要經過Racha 果條碼頭, 企唔穩好搞笑 :D
租左沙灘椅同太陽傘, 300B 3set, hea 左陣就上番船去第度浮潛

第1次玩, 點都要著life jacket, 開始都好唔慣用口呼吸, 但順左就好舒服, 係海入面感覺好平靜
下定決心, 下年夏天一定一定要學好游水! 咁就可以就咁租蛙鞋+帶mask 就潛落底啦!
落水無耐已經見到d 魚仔游埋黎, 好想掂下佢地, 不過佢地游得太快啦...
呢個spot 都唔算好多魚, 但係好大浪! 我好快已經頂唔緊, 拿拿臨叫19 拉我番船
上到船, 個人勁暈, 初時坐係度合埋眼抖下, 之後都要訓低, 有個crew 拎左件life jacket 比我枕下
訓左陣, 好番好多喇, 之後果個spot 佢話無咁大浪既, 所以我都有理無理即刻跳落水
我地今次先記得拎麵包餵魚, 呢邊多好多魚魚呀
我係咁係海入面好大聲同佢地講野, 係咁嗌: 魚魚!!!!! 比19 話我好嘈 :D 笑死我
但係不幸既事情發生了, GR...無電了........所以係呢個spot 係一張相都影唔到..........

開心既時間過得凸別快, 又係時候同魚魚講byebye...
上番船去番個島, 每次上船都有汽水/凍水飲, 仲有勁勁勁好味既西瓜! 夠凍又起哂沙, 狂食 :D
不過對於我呢d 0 運動既人黎講, 係咁易潛下已經累到媽都唔認得...

夠鐘去餐廳食飯lu, 仲以為係出去"不"架添, 原來係一碟碟菜咁上
救命, 好多烏蠅呀, 搞到我地3個都無哂胃口........
係咁易食d 炒飯填飽肚子, 行出去果陣見到好多大蜥蜴, 最多果陣我兩米範圍內有5條呀!!!!!!
佢地條利勁長, 係咁食烏蠅............不過行動緩慢, 都唔會話好驚既


食飽之後就行上view point 影下相, 係就係靚, 不過曬到爆!!!
然後就番我地張沙灘椅晒下太陽, 恰下, 得閒就落水玩下, d 沙好幼好舒服~

19小子出去游左好耐, 我地訓醒佢都仲未番黎!! 望極都望唔到佢, 幾驚佢有危險 :(
我直頭諗緊我要係邊度搵個西瓜掟出海呀..........啋啋啋
點知條友仔原來過左碼頭果邊游, 話好大浪好好玩wor! 枉我仲咁擔心你!


過左陣我地都出去玩浪, 真係好好玩wor原來! 對拖鞋成日比浪沖走...hahaha
越晏d 浪就越大, 雖然飲左好多海水, 但係真係好好好開心!!!
(春bb, 你係度的話, 我既開心起碼多三個好..................)

臨走仲有成樽麵包未餵哂, 拎黎餵下雀啦, 點知引到勁多雀過黎!!
有d 爭唔到既一路係度"抹"大口唔合番埋, 好funny :D
幾時都話係布吉有麵包就有朋友!

要走了, 走果陣好大浪, 係碼頭行果陣一步一驚心
一有浪到果陣就要停低, 唔係實會跌低! 個feel 好似玩緊狐狸先生幾多點 :D
好唔捨得Racha.........水清沙幼, 天呀, 點解香港d 沙灘咁X污漕!!!!!!!!!!!
吹住海風, 好快就番到Chalong Bay, 之前上船果陣有人幫我地影相, 依家就晒出黎賣, 100B 一張
見佢都影得我幾美麗, 好啦, 200B 三張成交!
好白痴, 我地臨上岸果陣係海洗左好耐, 想洗走哂d 沙, 但其實只會係越沖越多
點知番到佢間鋪佢放左好大盤水比我地洗 :D 白痴仔s!
飲埋杯泰國利賓納#xx#就離開了, 今朝個伯伯車番我地番酒店, 再見喇。

今天, 是我跟大海最接近的一天。

Tree 已經唔見左個鏡頭蓋, 番到酒店我發現GR 條頸繩都唔見左一邊, 嗚...........
唉, 都要沖涼換衫渣車去日落崖, 酒店門口有油站, 係咁易入左400B (2日淨係入左一次就夠哂!)
酒店距離日落崖都唔太遠, 又係唔駛20mins 就到lu!
當然2個龍友就係咁影影影, 我就無無聊聊遊離浪蕩
19今次叻仔有帶到閃燈, 我地係咁玩壓光 :D 好靚呀d相!好耐無咁樣睇過日落喇, 夕陽無限好, 只是近黃昏

太陽都落哂喇, 諗住走啦, 點知佢地好興奮咁話: magic magic! (講緊既係magical moment...)
我係隔離一邊餓, 一邊發吽逗........

係我地隔離係一班o架仔同o架妹, d o架妹一路影一路"樹該兒!!!"
其中一個o架仔都係用GR, 我見佢幫d o架妹用GR 影左幾張好靚的, 我就膽粗粗問佢可唔可以幫我整張
佢地好nice 當然話無問題啦! 我叫19 走開走開, d o架妹又學我講 "走開走開" :D
幫我影完, 果2個o架妹係咁話"卡娃兒哩" (我都知係禮貌黎既...)

真係走喇, 勁肚餓呀........成日都淨係食左份早餐+烏蠅餐............

黎布吉梗係要食番餐海鮮餐啦! 揀左Parlai Seafood, 係Phuket Zoo 個路口轉入去
都係好易搵, 但係入左路口之後好那黑, 去到Tang Kee 個路口有間士多, 問下人, 原來仲要再入
到lu, 泊好車就入去, 間野好大, 但係超過9成都係當地人黎, 拿拿臨出去揀海鮮先!

揀左2隻大瀨尿蝦做椒鹽, 2隻大虎蝦BBQ, 1隻肉蟹做紅咖喱, 白烚螺, 冬蔭功, 4隻生蠔, 同炒菜
又想食魚, 就出去揀多條魚炸左去 + sweet & sour sauce!
生蠔先上抬, 佢地話好正!!!! (我唔識食, 口感實在太嘔心)
瀨尿蝦正到唔識形容, 同HK食到的完全是兩碼子的事!!! 口感同鮮味完!!全!!!無得比呀!!!
大虎蝦d 肉好實, 好大舊, 諗起都仲覺得好飽...
咖喱蟹ok 啦, 隻味好似一隻薯片, 我都係鍾意建興既咖喱!
螺就好鮮甜! 條魚呢就勁正, 清哂 :D 同埋呢度既冬蔭功唔係紅色的, 不過都很好喝!~
呢餐豪食左 3280B, 圍番唔駛8舊水, 飽哂~~~

之後就渣車過Patong 喇, 今次車程比較遠d, 大概45mins
上Patong 條山路好過癮, 因為又斜, S彎又多又深, 好似上緊秋名咁 :D
而係左手面係電單車路, 地下既線都開始甩哂好難睇, 其實都幾危險, 不過我相信梁生手車!
但係由於指示不足 & GPS 失靈 (又!!!) 所以入錯左路口, 搞到tree 慶慶地話: 我真係唔想渣
唔好大我啦 :( 雖然我會同你鬥大 :(U 番出去, 再行番第個路口, 好快就見到 Oriental Massage 啦~!

入去之前要除鞋, 坐低飲杯茶填好form 比埋錢, 就開始lu!
佢話要分開, 咁我同tree 就係一間大房裏面 (有布簾同別人分隔)
19就一個人跟左個姐姐去......(頂佢出番黎話原來佢係一間獨立房!!!)
2hours 好快就過, dup得好爽! 夠哂正宗!
最鍾意都係最後比佢拉黎拉去, 鬆哂!~~

渣番出去Jungcelyon 果頭, 一落車就見到個鬼妹唔知做乜嗌哂police, 巴東真係幾雜...
係Jungcelyon 影左幾張相當到此一遊, 見到Swesens 收1點, 就入去整番杯雪糕嘆下
食完都12點幾, 又無乜野做, 返歸lu, 隔離果條街好多人好多bar, 仲有pool party, 好熱鬧!
轉錯路口, 巴東d 路係one way, 又要兜一大輪先出得番去, 開始認得d 路, 回家無難度 :D

番到酒店拎埋張相比19, 發現原來條頸繩既另一邊係個膠袋入面, yeah! Lucky me! 唔駛訓sofa lu!
然後條友仔走過黎浸bubble bath, 仲影埋d 出浴照添...不過唔敢post :( 怕無fd子做 :(
訓lu, 早抖 :)

2009 布吉 + 曼谷遊記 Part 2

12/11/2009 (Thu)

一朝早拖住o急落樓已經見到架A12 係對面駛過, 大鑊, 即刻2條友狂奔
好彩轉紅燈, 都總算趕得切, Lucky!
去到機場係朝早9點鐘, 等阿19小子, 頂...等左足足3個字
Check in 同埋行李寄倉, 一人有15kg allowance, 19未出發已經12kg, 你想點呀?
個gate真係好遠, 但係都死番去T1食Burger King, 食飽就上機
架機不過不失, 真皮seat 都幾好坐, 係窄左d姐, 訓番餐飽既先!

去到曼谷, 即刻買張DTAC sim card, 再join 埋7days unlimited internet
點都去Airasia counter 問下可唔可以比我搭早一班機 (其實佢一早取消左我果班機, 要搭遲1個鐘果班)
咁個答案例牌都係唔得, 不過比我check in 先唔駛我拖住d o急係機場蕩...
求其係LEE cafe 食d 野, 原來全泰國d 凍檸茶都係咁好飲!
然後過Miracle 食芒果糯米飯, 同抬有對香港情侶, 吹左2咀
佢地好好彩! 去到酒店唔記得拎行李, 架的士車走埋, 不過酒店職員都幫佢地搵番

hea 下hea 下就入閘, 第一次搭shuttle bus, 第一次咁樣上飛機, 好興奮!
好彩架機有少少delay, 所以我地係飛機上睇到日落!!! 仲要好好彩地坐右邊, 睇哂!!!

個零鐘機就去到布吉, 個機場, 一眼睇哂, 真係好細下...不過好有啟德feel
等行李, 見到d行李濕哂就知今次大劑...
行出去見到有個人渣住 MR. LEE WAI YIN 既牌, 但係係apcarrent 架喎...
(我果下係覺得有人同我同名, 事後諗番點會咁邪? 我格左好多間價, 係咪ap 以為我係租佢地呢...)
再行出d 就見到個MR. LEE ICY WAI YIN 既牌, 今次係真架啦, 佢就係Mr. Sawat 喇~
(我都唔知點解大家係都要寫我係MR.....................)
一出機場見到勁大雨, 上到車, 係咁易填左form 就閃lu, 連車身都無check 過 (不過咁黑都睇唔到啦)
開車果陣好樣衰, 梁生拉唔到個hand brake, 因為同mini 相反既, 要我出馬, 呵呵呵!

滂沱大雨, 又黑媽媽, 真係好淆底, 街燈唔多, 路牌又唔足, 點算呀.............
但係梁生都唔淆, 我地做導航員既更加唔可以淆既!
不過...我發現iphone個Google map GPS 係廢既...可能係布吉訊號比較弱, d定位錯Q 哂囉!
唯有靠自己, 好彩都無行錯路姐!
當我見到Outrigger 1km 個路牌尖叫左出黎! 好開心! 順利去到酒店, 仲比預期快左添!

去到酒店Check in, 有個staff 帶我地坐佢地既golf car 上房 (其實行都好近), 另一個就渣我地架車過去
去到2間房門口, 佢話一間大d 一間細d, 問我地點安排, 我梗係話我同Tree 要大果間啦
點知入到房, 我忍唔住係咁"哇".....hahahaha, 因為真係好大好靚!
有廚房有飯抬有廳有房有露台, 浴室仲有bathtub (細果隻無架)
同埋有ipod plug-in, 我連行李都未開就已經聽到隔離房既19+容祖兒合唱...........
有dvd player, 可以落counter 免費租DVD
房有free wifi, 不過唔知點解用唔到, 無所謂啦, 反正我地都join 左無限上網
深夜一路屙屎一路睇住高登真係一種享受.............................無錯我係好毒架

師太過黎搵我收錢, 拿拿臨落大堂搵佢, 佢係email 就cool cool 地, 但其實係好nice的人
比完錢, 師太都係咁提我聽日要注意既野, 仲話會搵車過黎接我 (本來只有某幾個區先有free transfer)
影下相就出發去Phuket Town 既 Natural 食飯啦~!

去Phuket Town 條路其實都好易搵, 但要係其中一個路口轉入town, 好黑, 過左都唔知
一路渣到有間診所, 睇番map 先知已經過左好遠, 即刻U turn 番去
yeah! 用左20mins 順利到達! 落狗屎, 要冒雨跑入去, 濕Q哂...
狂點送, 點左10碟送, 3杯野飲, 我杯芒果沙冰勁好飲~~~
食既就有生蝦, 炸蝦, satah, 軟殼蟹, 蒜蓉鮮魷, 冬蔭功, 菠蘿炒飯, 粉絲蟹, pad thai, 鐵板bb蠔餅
成抬都係送, 都唔知食邊樣先, 結果係樣樣都咁好味.........!!!!!!!!!!!!!!
尤其係個生蝦, 比係建興食到既細隻, 但係爽口+鮮好多! ENCORE! 同埋極力推介個鐵板蠔餅!
Ttl 11碟送 4杯野飲, 埋單1500B!! HKD $350 咋!!!!!

食飽飽, 趕去 Big C 作最後衝刺, 佢收11, 我地10點9先入到去, 好似成間big C 得番我地咁...
快手快腳買埋麵包, 掃埋d 日用品就渣車番歸了
番到酒店, 沖個泡泡浴就訓lu! 張床好大好舒服呢, goodnite :)

2009 布吉 + 曼谷遊記 Part 1

有睇過我上一隻雞既朋友都知我煮雞係超長氣既, 我想襯自己仲記得每一樣小事就寫低哂去 其實...都係for 自己第時睇番...haha...wish u all enjoy my oil chicken la!~ 今次唔縮相lu, 上facebook 睇啦! 出發前準備: 機票: Tree跟我的Airasia ticket, 早在半年前已confirm好, 來回曼谷只需 $1490 for 2 本想玩曼芭兩地, 但諗諗下陽光沙灘不如去布吉, 就拿拿臨book埋曼谷布吉的內陸機, $945 for 2 之後是春跟19小子的, 總共book左我 4次... (其實係有唔開心的, 因為之後先知AA 11月開布吉線, 咁咪可以慳番一程+時間囉!  好彩.....開果日係遲過我出發姐.........嘿) 酒店:- 布吉果間搞左好耐, 又怕11月開始旺季, 會唔會好爆呢, 於是草草在 Asiarooms & 官網訂房 (Outrigger Serenity Terraces Resort @ Rawai Beach, 5 stars Grand Opening in 2009) 官網加左少少錢先包埋早餐, 不過guarantee upgrade, 圍埋要千幾晚一蚊, 4晚盛惠5千大元... 搞好哂, 點知新哥出左個靚價, $1285買1送1, 即係2間房共4晚都只係 $2570! 即刻cancel booking, 好彩只係Asiarooms 收左$100手續費, 咁樣就慳左兩千幾銀啦! yeah! 曼谷就一早決定左住Marriott Executive Sathorn Vista 2房, 搵左係泰國既Simon book, 2晚$1630! 春一早就比左機票錢, 得知他可能會行唔開, 我地都維持原狀, 寧願一人比多d, 都希望佢臨時去得都有訂訓 但結果他還是未能跟我們一起回鄉..........:( 其它:- 第一次去旅行要book 咁多野的, d email 多到我頭都爆 係布吉自駕要book 車, book 左Tsunami, Honda Jazz 2日, 900B/day 搵師太book 埋Racha Tour, 1100B/person book 左布吉Oriental Massage, 2hours Thai Massage, 540B/person (10% discount) book 埋曼谷Coran Spa, 1.5hrs Aroma + 0.5hr Body Scrub, 1300B/person (50% discount!) 另因為布吉的匯率不太高, 所以係香港盤谷唱定哂d 錢, 順便幫大彬小姐唱埋, 1:4.25 終於搞掂哂! 其實仲有好多野煩, 睇布吉地圖睇到我好淆, 出發前好驚...好驚......

2008 曼谷

入鄉隨俗, 去得泰國就煮番隻油雞先~
20/09/2008 (Sat)
本來plan 6月去, 但趕唔切book, 所以拖到9月先起行
價一出就搵新哥訂, 慳家D 揀左CI+Pullman, 4D3N 兩條友連稅$6270 (坐TG差不多要7k)
雖然稅一人貴左兩舊水, 但好彩兌泰銖個rate 靚番 (3.8→4.3x)
下次去都會繼續搵佢地買, 又平又flexible, 而且Aidan把聲實在太好聽
係度好多謝tree 家姐同我大哥慷慨解囊贊助泰幣~~
朝早10點幾到機場, 例牌整番D 旅行必影既相先~~


入閘後就嘆個水手炸雞*先上機, 太好味喇！
飛11:50, 終於可以坐窗口兼係藍天白雲呢~~

午餐係雞意粉*, 唔難食囉




睇左What happens in Vegas, tree 就睇Indiana Jones 4, 話咁快就到了
一拎到行李就衝去的士站, 搵極都唔見芒果糯米飯 (朱迪話原來係3樓呀)
是旦買包糖唱散紙就出去了, show個地址俾姐姐仔睇, 然後佢就會抄番張紙俾你
之後就有個的士佬幫我拎行李上車, 猜滅他, 計埋2條Tollway & Service charge ~380B
一出機場就見到起極都未起好既機鐵, 希望下年過黎可以搭到啦！

Pullman Kingpower Hotel & Kingpower Complex (Duty Free) 係同一集團亦係隔離架姐
所以一駛入Duty Free, 就係一大條私家路直入hotel 了

一落車就有好多staff 係門口, check in 好快, 一直有個camcam 地但服務極佳的staff serve 我地
勁高樓底搭2個靚靚staff

ok 後佢就帶我們上房, 係佢入房先的, 但房內已有行李 (but not ours--)
無幾耐就有第個staff 拎套新卡上黎, 上一層
介紹完一輪, 影下間房先~
夠我打橫訓的床, 張床真係好-舒-服！
TV 有十幾個free channel, 有CNN, Star Sports, ESPN, 電影台等等...仲有NOW添！
我地朝朝早都係開住NOW財經台, 夜晚就睇波 (睇過利記/祖記, 但係無播過阿記)

左面張相係咪有D trick呢, 其實後面係一度躺門可以從洗手間跳番入床的
有大浴缸(並提供浴鹽)及企缸, 仲要係我最愛的rain shower！


Free upgrade to Deluxe Room, 有2杯welcome drinks 可以在酒店/泳池的bar 享用
每日有2支水同2罐softdrinks, 及每朝早放在門外的報紙
房內只有Lan 線但沒有Wifi, 每人每日有4hrs, 另外在酒店的範圍都有Free Wifi (就係除左房囉)
酒店內園景

原來酒店有車去扙度腩, 但係未夠鐘, 咁我地就搭的士啦
叫佢去扙度腩, 去到Baiyoke Hotel 開始塞到郁唔到, 佢就叫我地落車, 話係扙度腩area喇
奶野喇, 落左車, 完全認唔到路...得棟Baiyoke, 連向邊個方向行都搞唔清
唯有問下街上的實Q哥哥, 教左我地點行, 得左！
(溫馨提示: 若在曼谷想問路最好問實Q, 因為遇到10個有10個都好nice+答到你問題的, 而且成條街勁多實Q囉)
好辛苦地行下又睇下map, 終於見到Platinum Fashion Mall 喇！

望下隻表大概1645左右, 個肚餓餓地, 不如就去水門食個雞飯先啦
經過串燒, 唉, 竟然無食到...後悔...下次要食番


行到過去, 岩岩好5點開鋪 (其實沿路有幾擋食雞飯的, 不過記住搵粉紅色衫果擋呀！)


坐底等D 姐姐開燈同放番好D 架生, 溝問計, 嫩！(海南雞飯*, 1個)
D 雞好滑, 點埋個汁真係正到暈 (媽呀好辣呀), 碗湯都好飲喎, 因為好多味精...哈哈 (飲到想打思egg)


其實我不嬲唔食海南雞飯(唔知點解對白切雞有莫名其妙的反感)
但係我堅覺得呢度既海南雞飯好得, 唔真正食過都唔知原來可以咁好味
30B 一碟, 圍番港紙即係$7, 仲要有例湯, 玩哂啦
如果唔係要行咁耐, 我日日都會黎食囉
食飽就行番去Platinum, 好平呀D衫！款又多又靚, 最重要唔易撞嘛
不過我都係買得幾件...唉...又後悔緊.......
D 衫多數已經掛哂牌仔, 2個價錢 (wholesale/零售), 買2/3件大部份都會計wholesale個價
我好on9囉, 因為開頭唔知佢地既英文程度係點, 我走去用泰文問: 偷泥？(幾錢？)
結果咪就係人地用泰文答番我, 我咪R哂頭囉......................
然後就沿路行番去Big C , Superrich其實都好易搵, 只不過我去到已經閂左門 (預左啦咁鬼晏)

所以唯有去Big C 果間唱, 兌4.30, 算啦...
係咁買立雜野食, 仲有好平的日用品, 就經天橋過對面Central World喇~

地下有間NaRaYa(蝴蝶袋), 即刻入去掃番幾個做手信先

行左陣個肚開始餓餓地, 睇胡慧沖本野見到FoodLoft 幾靚又好似幾多野食
就上去7/F試下啦, 係就有落地大玻璃, 但係好少野食揀...(左面為Sofa位及落地玻璃, 望到Siam的~)


嗌左個冬陰功湯面比tree, 我就行極都唔知食乜, 死死氣買左個咖喱吉烈豬扒飯, 唔好食既...
再買多左個沙爹串燒雞*+豬, 又係唔好食既頂......Total 285B
第1次見人即場整冬蔭功, 我一路都以為佢有個湯係冬蔭功黎
原來係淥好個面, 再放堆香料, 加D 炸蒜、糖等等, 倒D 清湯落去先會變冬蔭功架！

Sawadeecup/Sawadeeka


見到Arsenal Shop, 不過無乜野賣
再落Mango Tango 食番個甜品, 杯野好飲過許留山
個Combo set 3樣都好正, 我就要埋個芒果糯米飯, 點知勁唔得, Total 200B

再過埋Zen, 我反而幾鍾意行呢度喎, 尤其係3/F Ladies Zone, 好多爸爸~~~行到d鋪都開始收, 就落地下截的士, 唔肯猜滅他, 要100B, 還60B, ok！番酒店lu！
見到個浴缸咁大, 都忍唔住浸番陣, 好累, 早睡早起~~
係咪見到我打左幾粒星呢, 因為一日裏面我食左4樣雞呀.............

---

21/09/2008 (Sun) 食早餐, Pullman的早餐好多選擇, 味道都唔錯, 個人認為最好味既係粥



今日出發去JJ Market(瞿度瞿), 要食飽d去作戰！~
一番上房又有驚喜, 不過幾日都無食過...因為唔知係乜架伙？

搭酒店篤篤去BTS, 落車會穿過一個叫Century 的商場, 係Boots 買左兩支CounterPain 都係150B咋, 平呀！
買飛去MoChit, 25B@

落車大部份人都係向同一個地方進發, 所以絕不會蕩失路的
行左五分零鐘就到, 入口會有人問 Do u need a map? 好, 開始博殺！
呢個入口的區域係比較多服飾的, 一入去就買左幾件衫, 又發揮我乜都要講價既婆仔本色

行左半粒鐘度, 我都仲講緊: 其實都唔熱丫, 都唔明D 人點解會話行到身水身汗
但係行多半粒鐘, 我收番呢句說話, 因為真係熱到仆哂街

巧遇Jack Sparrow！！！！激似！！！！！！

同佢影相要捐錢比某個機構的, 不過睇見佢都熱......
有個鬼婆行過: Hi Johnny Depp! 佢: Yes I am.
行下行下, 都唔知自己行左去邊........
穿過左食野果邊, 就會行到去JJ Mall, 但係行落又覺得唔係太岩行, 又死番出去

行到去寵物區, 諗住買D 野比朋友仔既狗狗s, 諗落又驚D 野會食死狗, 都係咪搞
除左好多狗baby, 仲有貓仔兔仔倉鼠仔魚仔 & 箭豬仔...
好可愛的Beagle, Golden & Husky puppies

你睇呢條友熱到頂唔順, 要整番個腩勿跑(椰青)嘆下 (笑容超牽強呀下！)

行多陣佢話: 我頭先feel到自己暈一暈
乜咁大劑......此地不宜久留........(行得幾粒鐘, 唔開心)
最後只係買左幾件衫, 褲仔, 1大堆手信, 同埋1個 200B的藤織袋 & 200B的木製紙巾盒, 平到呢！
又一on9巨獻, 我一開波見到紅白藍(D print幾靚的), 佢話100B 我無買
諗住一路行會越平, 結果係無的, 有D 賣100B 但係係翠兒, 所以我又唔買
行到尾臨出去喇, 120B, 我又唔買！！！
因為比我見過100B, 你貴過100B 我死都唔買！！！
(其實計番都係貴$5港紙.......咁執著搵自己笨........................)
出口附近的拉茶靚仔~~~

搭的士番酒店, 第1架開我300B, 當我籮拔乎？
我好堅決話NO, 佢即刻話50B, 妖咪玩啦

第2架, 我話猜滅他, 佢OK, 不過...佢一路渣一路拎住我個泰文地址望左好耐
我話: OK? 佢: OKOK (不過依然係望住係度沉思)
咁我就打電話番酒店叫佢話比司機知係邊頭, 咁我諗住放心啦
但係一路行, D 路牌指既名唔係好認得, 仲比我見到有機場既符號同類似Tollway 既東西
(依家諗番起先發覺係港島區都可以有路牌指機場架嘛...死蠢)
於是又炳9佢: 你唔係上Tollway 下嘛！你唔識路我落車呀！
佢又: NONONO
兜下兜下, 終於見番Victory Monument 個勁大迴旋處, 先知炳錯人
個標應該跳到85B度, 比夠100B佢, 希望佢無暗中咒我啦--
番到去游左個靚水先出發, 因為泳池22/9 開始維修, 所以唔游無得游咯
泳池的bar, Infinite pool, 仲有...係呀係呀, 游緊果個我黎架

沖個涼, 換套靚衫就出發~
梁生好歡喜呢個look, 所以又比佢捉住係花園影相...............

其實呢度都幾好hea, 又涼爽又舒服, 見唔少人都會坐係度睇書/食支煙

本來今日係去Erawan TeaRoom的, 不過太晏了
改行程去Greyhound, 好彩之前望過下個site, 知道Central Chidlom 有, 出發啦~~
又係搭酒店篤篤出BTS, Chitlom 站一出已經係, Greyhound 就係3/F的


環境都唔錯, 坐Sofa 位幾舒服, 有好多雜誌睇, 不過大部份係泰文
好多人黎得呢度必點的就係單骨雞翼同凍檸茶, 我地實在太餓, 所以order 左多D 野

從未係香港飲過咁好飲的凍檸茶, 上抬時杯內只有冰及青檸, 然後waiter 會慢慢倒入紅茶
點解咁好飲, 就係所謂的冰其實是紅茶製的, 所以不會越喝越淡啦！用青檸味道亦較好啦！

單骨雞翼都唔錯, 但無想像中咁正, 食一碟夠哂皮 (我睇人地D 油雞要encore 架...)



Elvis burger w/ fries, penne w/ ham & cheese, 水準不俗 (絕對好過Suzuki)

埋單連tips 650B, 食飽就由地面行過去Amarin 買林真香, WOW 影到我有長腿呀~~
個外型好似幾靚咁, 其實入面係廢的...唔係為左林真香真係唔駛去呢個商場

D 人話買夠1000B 可以免費送去酒店, 但佢話1500B 先得, 所以都唔係買得好多
之後就經天橋行番去Zen 買爸爸~~
途中經過四面佛, 沒有拜, 因為心想自己又無乜心願想達成, 況且拜開就要年年拜
但現在才想起, 最大的心願不就是家人, 樹仁, 自己和所有認識的人身體都健健康康嘛？


Gaysorn 係類似PP 的商場, 所以無行過去, Central World 右面果幢就係Centara, 下次去都想住下

@ Central World


買了3個Wacoal 同1個Morgan, 折左圍番6舊水左右, 平哦 (但之後在Wacoal shop 見到買3個8折呀...)
好靚呀Morgan D 爸爸...點解香港無架？
行夠喇, 就搭BTS去Asoke, 再行去Lavana 做推油啦


一坐低就有杯熱茶, 隻象象杯好靚呀！1套2隻好似250B左右, 無買到 :(


唔係影得好多相, 呢度地方好靚, 而且好大有好多房
揀左Aroma Oil Massage 90mins (Mint - Refreshing), 1000B@
Belongings 可以keep counter, 我自己個袋就跟埋入房
好舒服呀！做到個人軟哂....自己最鍾意做手果part, 好正哦...
但係我無訓到, 所以果90mins 都enjoy 緊...哈哈
最後佢地會出去叮熱舊野, 係1條長條形既東西, 入面有d 粒粒好似米咁, 放係頸的
哇果舊野勁舒服！本來我都想買的, 但係好彩諗起...我地屋企係無微波爐架--
我個人就好滿意自己個c父, 不過tree 就嫌佢果個唔夠大力
最後都比左一人100B tips (咁大方既我...)
出番大堂, 有野食！係Cheese mousse + 開心果, 好味呀！
買左支青蘋果味的Shower Gel 就走了~

行行下聽到D 怪聲, 好似狗叫, 又好似人叫, 初時仲以為有人虐畜--
之後D 聲越黎越近, 係你喇！！！小笨象呀！！！！！！！！！！
佢地yap 我地埋去, 買左一袋蔗仔(20B)餵佢
好開心呀！第一次近距離接觸象象^^
(其實我影相果陣先識驚...果下凸然好驚佢會撞我嫌我比得果幾舊仔佢食--)

tree 有幸在的士上看到好大的大笨象, 我睇唔到呀 :(
不過如果比我遇到的係大笨象, 可能我都唔敢埋去餵佢呢.....byebye 喇象仔............

知道SamYan MRT 新開左間建興, 就搭MRT過去啦 (24B@)

去到發現....商場閂左唔比入.......(仆街無留意時間, 原來呢間收9點)

我係門口裝下裝下, 好唔開心囉！望住間建興無得入去食！
然後有個侍應跑出黎, 佢係玻璃門攝左張卡片比我叫我去第一間, 好彩姐~~
即刻截架的士過去, 比張卡片佢睇, 好彩都老老實實, 好快就去到lu (60B)


整個公車腩霸, 好好味呀頂！！！D 生蝦好肥好大隻, 加埋個汁酸酸辣辣, 正！
咖喱炒蟹個汁就好OK, 不過D 蟹麻麻地


粉絲蝦煲, 都OK, 好多粉絲囉...加多個炒通菜比tree, 不過我唔敢食, 我食親都抽根....

加3支汽水, 2個白飯 (撈咖喱汁食到停唔到), 埋單880B食飽都11點幾, 得番我地抬客, 果度黑媽媽又唔識行, 所以截架的士番去
猜滅他OK, 但係呢條友又唔好彩...因為我覺得佢唔識路 (其實唔識路果個係我...)
我就淨係渣住個BTS map, 覺得佢一定要係沿住哂果d站名咁番去, 好奇怪點解佢會兜番落去先
我又炳9佢喇, 係咁炳佢: WHERE ARE U GOING????
佢又唔係好識講英文, 淨係話腩乜Q (果邊既名), 又係度OKOK
我開始唔耐煩又炳佢, 炳炳下發現已經去到Central World...1 條大直路就可以番到酒店.....
跟住我就瘀哂皮唔出聲囉....最後比左85B 佢, 又係果句, 希望無咒我啦.....
其實本來今日係預去Suan Lum Night Bazaar, 不過D 人話得番好少鋪, 所以算了仲有2杯Welcome drinks 未飲, 見早就落去Glen Bar 飲埋佢喇~

2個人去旅行, 唯有自拍啦....

番上房即刻試下Lavana 支野, 整番個泡泡浴~~正哦
隔離係我D 鴨鴨陣, 其實我只係帶左4隻去, 其中1隻係Pullman 本身放係浴缸隔離架！！
咁多左果2隻呢？ 本來我係去counter 問可唔可以keep 隻黃色小鴨 as a souvenir
佢check 完後就話無問題, 上番房無幾耐有人敲門, 原來酒店搵左個staff 送多左2隻比我呀！
哈哈, 不過擺明果2隻其實係小雞黎.....有雞冠既.............

---

22/09/2008 (Mon)
今日係hea爆的, 吃飽飽就搭BTS去Siam啦 (20B@)
首先行左去 Siam Square 望下先, 隻狗好搞野呀！

其實呢度都幾好行的, 但係太曬啦, 無乜mood

之後就上番Siam Discovery, 唔少得去Propaganda 啦！然後再穿過去Siam Centre~

最後當然係Siam Paragon 啦！~

行左去Ocean World, 但係1條友要850B, 好貴哦...
死番落去地庫行 Gourmet Market, 買番勁好味的魷魚, 仲買左益力多, 都係原味最好飲

WHITTARD 茶葉就見得多, 原來有cafe哦, 好靚呢

上一層有得上網 (40B/hr), 諗住Check in, 但係差個幾鐘先夠24hrs b4 the flight tim...
所以都係睇下個市睇下新聞同埋send 定D 資料比阿春幫我~~
隔離果張就係影番落去Food Court 的一個小角落, 頂, 勁大同埋勁多野食！
Central World 果個完全唔係佢果皮呀......
見到Fuji 不過好那多人排隊, 唔係都會食番個Set Lunch 先閃人~

周圍行下, 買左件衫仔比心悅呢~~
見差唔多2點, 就經Skywalk 行過去Erawan, 係4面佛隔離架姐
Erawan Tearoom By Grand Hyatt, 質素自然有番咁上下
環境都幾舒服, 不過無哂Window seat, 叫左2個Tea set, 包1杯coffee/tea


大部份都好好味, 尤其係個Mango Sticky Rice, 好得！係份量少左D姐


埋單440B 不用加17%, 比500B 走人
無哂錢添, 就過番Amarin 林真香唱錢(1=4.32), 番酒店換衫lu~


番到去Victory Monument 站就黎4點, 好彩咁岩有篤篤, 一到酒店就跑呀跑
咁趕做咩呢？就係逢朝早10點及下午4點, 酒店會餵魚魚呀！
好彩跑到去花園先岩岩開始餵, 仲有成大筒糧可以玩, 除左我之外得1個細路仔咋~

開頭都係灑D 糧比佢地, 之後個staff 叫我試下渣住D 糧再放落水, D 魚會kiss你架
咁我就試下啦, 哈哈, 每次比魚啜我都大叫, 個staff 係咁笑我
啜啜啜~~

換好衫, 放低哂D 野, 就搭BTS去總站: Saphan Taksin (35B@)
係架BTS 上見到好多人著住黃色衫 (胸口仲有個泰國果D 章架), 我又淆淆地底
我: 點算呀, 佢地會唔會凸然向我地發動攻擊架？
tree: 下, 咁果條友咪仲驚 (指住個著粉紅色衫既人)
落車果陣已經成5點9, 開始feel 到就黎日落, 所以一出閘就衝呀衝
呢個區有唔少靚酒店的, 但由車站向Lebua State Tower 方向行, D 路好窄, 人多車多煙又多
終於到左喇, 上左64/F, 係Distil Bar 坐低先
Order 左 Beer & Lychee Special, 好似320B@
本來出面係有sofa 位的, 睇下我個頭 (好型呀~~~) 就知出面有幾大風 (sofa 都吹起)
好彩著左leggings, 因為有幾個女仔著裙, 成條裙吹起哂, 禁得個頭又禁唔到條裙
所有客都係入面坐了, 實Q 驚門被吹開, 所以門都鎖埋, 只有想出去食煙/影相佢地先會開門比你


睇完日落, 埋單 7xxB, 比左900B, 就拎埋杯野上Sky Bar
其實我地應該早D 上去呢....因為上到去已經好黑, 好難影到靚相, 支閃又無帶出黎


Sky Bar 大部份都係外國人, 其實都好大風架上面, 影10張有8張我都係披頭散髮的
曼谷夜景好靚呢, 不過挨住玻璃咁望落去都有少少腳震震


Waiter 會主動幫人影合照, 比左部Ricoh 佢, 我唔明點解佢禁右邊影時會禁低埋個閃囉！
佢幫我地影左4張, 有2張係黑哂架........................

失敗的, 夾硬推番光個人 (你睇下明明個角度又好, 背景都OK, 但係搞到咁)

逗留左大半小時就離開了, 最衰唔可以企係The Dome 條靚靚樓梯度影相啦 :(
行程本黎係去Healthland 做Thai massage, 不過好似係嫌遠又改撚左
(諗住去Ekkamai 分店, 做完順便去Thong Lo 買芒果糯米飯！依家無喇！！！)
咁之後就諗住去番Big C 果頭既Indara 做, 好評唔少同埋都幾平
Lobby


落番大堂等的士, 佢地d職員會比張卡你寫低的士車牌及司機名的
等左陣, 終於有架喇, 職員同佢傾左陣就話依個時間traffic jam, 所以會車我地去最近既BTS站
咁我諗住搭番BTS 過去再行陣都無所謂, 就上車啦, 個司機有7成似Morgan Freeman

佢問我係咪去食飯 , 咁我就話去果邊買野
(盡量都唔好答話食飯/Massage, 因為某部份司機立心不良, 會車你去謀人寺賺佣)
之後佢話不如車你去MBK 啦, 咁我果陣又無睇map又唔知係邊度--
我咪話NO, xxx BTS is OK！
佢開始嬲嬲地, 又up 一大輪, 仲要加句: WHY U DON'T UNDERSTAND？
見佢咁慶咪下個地圖, 原來MBK 行過去Siam 都好近, 無乜所謂啦咁
佢先展露番佢既笑容, 慢慢解釋 (頂...你一早好聲好氣解釋我聽咪得囉...)

佢話你地D 遊客成日話要去呢度去果度, 有時候塞車又封路根本去唔到
好多的士佬英文唔好, 解釋唔到你聽, 就搞到你地以為佢係bad guy 呃你地$
(佢仲要有好多手勢好多表情, 成日扮D 好驚慌既樣...好好笑)
一路上都講左好多野, 佢D 英文都算幾好, 我讚佢, 然後佢話: a little bit..haha
傾傾下好快就到左MBK, 好似70B左右
本來諗住比100B佢, 但係原來我得1000B同500B紙, 佢又無得找
搵哂成身散紙, 都係得80B, 算啦, 不過呢個係我地係曼谷遇到最好的的士司機呢~
落左車, 又唔係好想行咁遠, 所以都係行街算


行番去Siam Discovery, 之前漏左間Loft, 其實同Log On 好相似, 只係大D 同種類多D
Tree 好喜歡的吶喊~~

作最後衝刺後就搭BTS 番酒店, 番到去又有Surprise, 好好味！

抖陣就落Seven 增值張電話卡, 因為要打比春叫佢幫我地 Check In
買完, 發現唔曉用...諗住問個姐姐仔, 但係後面又有好多人等比錢
徬徨無助之際有個靚仔向我伸出援手！！！(其實佢都唔係好似泰國人, 好型仔架)
佢拎住我個電話幫我禁禁禁再打出, 比番我就走左喇, 搞掂！
出到去發現佢仲係門口, 佢問我OK? 我話OK! Ths very much~
佢又笑笑口咁, 暈哂大浪啦我..........
跟住就一條直路行過去光海鮮, 個老細好有禮貌, 仲識得講D 餸既廣東話
叫左辣椒膏炒蜆, 黑椒炒蟹

燒大蝦, 好撚大隻！！！同埋鐵板蠔餅

燕窩同椰青~~

救命呀！！點解可以好食成咁架？？？
個燒大蝦好多膏, 加埋燒烤既炭味好正呀........
個鐵板蠔餅又係, 蠔多過蛋咁滯...個炒蜆又多...辣椒膏好送飯呀.....
我好後悔呢餐係最後1餐, 因為如果我第1日黎食我就可以食多幾餐試多好多野喇............
4餸1燕窩1椰青1汽水加2個白飯都只係1045B, 抵到！！！比左1100B, 我話keep the change.
老細可能聽唔到, 走左去cashier, 咁我就拎袋閃人
臨走佢望到我先會意唔駛找, 然後佢笑得好開心同埋即刻雙手合十講及灌卡呢~
食飽飽行番去, 好舒服呢~
最後1晚無乜野做, 又同Pullman 影下相啦, 好唔捨得呀！

哇右邊個pose好難頂！(好變態, 梁生條腰勁似有隻手攬住佢呀...原來係條褲攝起左)

---

23/09/2008 (Tue)
轉眼, 就到左最後一日喇.....
食早餐, tree話朱古力好好飲, 整番杯, 真係好正架原來！

呢度就係好好hea的花園喇

汁行李, 汁極都唔掂...酒店無紙皮箱, 唯有搭篤篤出Century 買啦
買埋封箱膠紙100B, 搞掂哂, 就爭取時間去埋Duty Free 逛下, 買左2隻象象^^ 1隻比小喬^^
Byebye la Pullman...

要去機場了, 咁岩有架大的士在酒店門口, 好野有大車坐~！
門口個staff 都睇埋佢有冇開標先比佢開車, 司機無上Tollway, 到機場未比錢佢已經主動落車幫我地拎行李
兼且佢都好有禮貌, 所以搭左350B左右, 都比夠400B佢, 大家開心 :)

本來飛14:45, 但係香港打風, 地勤話班機會早半個鐘飛, 如果降落唔到, 就改飛去台灣
果陣顯示版係SHOW HONGKONG/TAIWAN 添架, 求神拜佛要飛去台灣比我玩多日呀....
改早左所以無乜時間行lu, 見到有芒果糯米飯即刻買個上機食
(我真係洗到盡, 最尾上機我地得番百幾B咋！哈哈)
好好味呀..................................

唔知係咪因為個風, 所以臨落機半個鐘, 架機好搖, 我亦都好辛苦...
好暈好想嘔, 最後仲辛苦到喊埋添--
結果, 都係順利降落機場, 果陣已經係8號波喇, 去埋台灣既狂想亦都隨之幻滅
就咁, 就好圓滿咁完成左我同tree第1次勇闖曼谷之旅喇。

---

後記：
其實今次個trip 有2大唔夠, 食唔夠, 買唔夠
因為行程實在計劃得太hea, 去旅行又想relax下, 但係又想用盡哂D 時間, 好難取捨
不過就算我戰鬥力驚人 (買+食), 我隔離果位......無眼睇
下次要食多D 泰菜, 要去唐人街食T&K, 要食老媽店~~
雖然個trip 已經完成, 但係本小姐人在HK心在BKK
所以成日都走上thailandfans, 感受下泰國既事物
可能下年初4去, 可能5月去, 又可能9月去, 好多可能既Travel Partner
可能會住1晚Pullman, 可能會住Centara (Deluxe Rm 圓形浴缸！), 又可能會住Grand Millennium Sukhumvit
好多可能, 三心兩意, 好喜歡曼谷。

---

小趣味：
預手信又預唔夠, 本來買左好多大哥花生, 有雞味同蝦味, 結果我係一罐都留唔到比自己試
買左隻萬樂珠比so中, 但原來佢想要果隻香港有得賣架囉 (完全誤會哂, 溝通唔到呀！)
番到香港仲發現泰國因為3聚氰胺已經回收左...哈哈 (買左2盒, 仲要勁難食囉)
梁生係泰國見到隻Dove 朱古力話好靚要買, 食左2啖就話: 你一定會後悔無買多幾排
然後我試下啦, 真係正野喎, 好香濃好滑！但係第2日泰國又係因為3聚氰胺回收哂--
(溫馨提示: 發現香港各大惠康及萬寧都開始有得賣喇！！！！！～～～)
最鍾意的手信(for myself) 如下:-
在JJ market 買的手繪象象背心, 個老細D 英文好得意！同埋好型仔的！

在Kingpower Dutyfree 買的象象公仔, 好貴呀！但好靚, 我鍾意象呀！

Loft 買的監獄兔 (可在youtube看他們的影片, 好爆笑的啦！！！)

個油雞, 到此為止了。
強烈建議各位朋友寫油雞, 就算唔為別人, 當為自己都好
記憶好快就會消失, 唯有在它尚存時, 用文字用相片記下
挑我知你地實話我個英法遊記架, 其實我寫好左8成, 係唔鍾意寫埋果2成呀 (其實係我唔記得哂了)
不過我閒時自己睇番, 我都好欣慰自己記低了那段美好的日子
06年去了上海, 07年去了英國法國及台灣, 08年去了泰國, 希望09年可以再去泰國及去日本
更希望可以keep住一年去一次旅行, 實在太愉快。