但寫到第七天, 支筆已經寫到無墨.........唯有在此繼續, for我自己亦都for你地 :Ｄ
幾皮野去個旅行, 我當然唔想咁快唔記得啦！
好Q長, 我個人建議分開睇 XD
16/2/2007
出發乘11:45pm英航, 8pm到達機場, 搞好check in及行李寄倉就可以周圍貢
是夜年廿九, 在航天城吃了餐板前作團年飯
對不起阿輝...........(梁生在旅途中遺失了他...流落異鄉呀陰功)
(其實呢度比我洗左好大段野, 因為有D不愉快事件, 但係太多粗口不宜出街, 算吧啦)
上到機, 睇大丈夫2
BA D crew好nice, 有香港人亦有鬼婆/佬隻機遇到氣流, 其中1次我仲係廁所...你老闆....企唔到起身
之後訓下又醒下, 堅醒左之後睇史力加, 笑Q死
食過早餐, 再飛多2個零鐘就落機了~
17/2/2007
到達希斯路機場係早上5時正, 氣溫6度, 搭Tube 去酒店放低行李先
買左Oyster (=八達通, 係果邊用Oyster 係比逐次買飛平好多)
搭左40分鐘左右就去到Gloucester Road, 行去酒店只係幾分鐘既路程
放低行李, 就去食餐豐富既早餐喇
6個人, 食3份english breakfast同3個baguette姐, 埋單40磅 (~HKD600)好顛...
第1站係大笨鐘(Big Ben) & 國會大廈(House of Parliament), 難得地非常好天, 藍天白雲
(16:9 & 3:2 --)仲見到paladin！~
之後就在St. James park hea下行下, 哇, 幾耐無見過咁大塊任人踩既草地？！
然後係西敏寺 (Westminster Abbey), 差唔多11點就去霸位睇換班儀式, 哇哇哇
睇完又要去霸位喇！因為連住既係白金漢宮(Buckingham Palace)禁衛軍換班儀式
粉蛋, 你睇下地下幾多馬屎！！ >___<
其實去到已經霸唔到靚位了, 多人到..........
有band！係果d帶住黑色毛毛帽果隻！
(細個唔知邊Q個呃我話黑色果D係蟻...1隻隻蟻係個頭度...我信到十幾歲........)
佢地會係條馬路一路操出去的, 我地要半跑半行咁追住, 終於爬到頭了, 呵呵好過癮
呢個應該係Green park吧？還是海德公園(Hyde park)？我不懂...自由行就是這樣子啦--
然後搵訂食lunch喇! (死喇, 睇左咁耐先仲係第1日既lunch >__<)
係一條小巷發現左間小店, 個老細好nice招呼我地入去, 入到去發現佢同zidane的合照！
食左d鬼佬pie, lasagne, spaghetti 同 fish & chips, 衰鬼又真係幾好味
佢地開左個radio, 係直播緊場波, 聽聽下我地發現係arsenal...(！！！)
飽飽就起行, 接住搭車去倫敦塔(Tower of London)
..............到此一遊.....過門不入......
好彩, 之後既倫敦塔橋(Tower Bridge)都有入, 好靚好鍾意！
我諗去親既人之後寫blog都會重申, 呢條笨唔係London Bridge...真既Londge Bridge好細架咋搵笨架！
在橋上, 泰晤士河 (Thames River), 左面好Q型果座係City hall
之後我地嘗試在橋上找果個裂縫, 一路走呀走終於找到了, 企係果個位望落下面, 腳震震.......
今天就完結啦！因為大家都發現對腳好似唔再屬於自己了............
本來話約8點半出黎dinner, 點知個個都訓哂, 飯都唔食
我地係夜晚7點訓到第2朝既6點！！！
18/2/2007
"It's amazing how you can speak right through my heart..
Without saying a word, you can light up the dark...."
睇左呢2句歌詞, 係咪已經估到我今日去邊度呢？Notting Hill, 我好鍾愛的一套電影, 故事就係發生在Notting Hill, 終於有機會去喇！
搭Tube搭左2個站已經去到Notting Hill Gate, 喂...我好鍾意呢道呀！
鍾意五顏六色的小屋, 鍾意五花八門的小店, 鍾意懶洋洋的小貓小狗
<嘿, 梗係要係Notting Hill度聽下呢首愛歌啦！(圖中所示為香港時間)
一路行落去Portobello Market, 唔知點解好多檔都冇開...？
行到尾係一個好似大笪地之類既市集, 有好多古董啦, 2手既衫褲鞋襪啦, 舊相機啦, 舊CD/黑膠...之類
佢爸爸仲買左個碟仔比我地, 嘻嘻, 依家拎左黎裝我最喜愛既馬莎拖肥糖 :D
另外Notting Hill都幾多鋪仔, 而我既收獲就係一對手襪仔, 因為實在太凍了
(中間果張立下眼, 我都以為係TRAVEL BOOK CO., 不過我地都係無緣見佢一面....)
哇哈哈, 龍格堡係英國都係渣黑色法拉利架！(點解影到好似好巨咁...)
行到咁上下, 就搵間cafe坐低食lunch, 又係pizza/意粉之類
飽飽, 就離開呢個地方, 向大英博物館(British Museum)進發喇！
2點幾行到差唔多6點, 腳都跛, 雖然係咁, 講緊既都只係走馬看花
當然最recommend既希臘/埃及固之然好睇, 木乃衣展館都不容錯過
仲有好多gladiator既盔甲, 好型啊！
我地身為中國人當然要睇下中國展館, 其實都係d鼎呀...青銅之類....
(但係其實自己又無期待會有d咩好想睇/會睇到架啵？唔通會見到彊屍咩....)
丫, 仲有果舊鼎鼎大名既Rosetta Stone, F.1 history好似讀過下咁啦！
呢度不得不去, 如果無入過去就好似無黎過英國咁, 仲要free架喎！
是日年初一, 就去左唐人街食個開年飯喇！
周街d人都係度玩沙炮, 不過玩緊既多數都係鬼仔/妹
條街迫爆人, 唐人反而唔多喎, 同埋有好多警車同警察
度度食野都要排, 去左間餐館叫旺記, 都OK...不過d飯好硬.....埋單4x磅, 番去lu！
6/4/2007 19:12：我不是吹水！！！！
我在photoshop edit緊呢2張相既時候, itunes random 左去 WE WILL ROCK YOU！
Freddie你在我附近嘛？
發傻, 其實我好想看這個劇啦.....希望我有機會再去英國時仲有得睇啦.........
最新消息係呢個劇會在今年(2008)6月在香港上映, 票價, 好貴
19/2/2007, One Life One Club, Arsenal
一大朝早, 我同樹仔2個食完早餐就拿拿臨出發喇！(而佢地就去左Covent Garden)
Arsenal個站直情係Piccadilly line, 唔駛轉車
一心諗住出Arsenal行幾分鐘就到啦, 點知....................
Anouncement : "Arsenal station is closed", 跟住飛.....站.................
呆左, 係下個站落左車, 問人, 佢話可以搭巴士/行過去, 咁OK啦
出閘, 睇地圖, Shit！其實我已經睇錯map帶錯路, 我地係相反方向咁行...
行行下發覺唔對路, 點解行極都見唔到舊野既, 再問人, O diu............
修正番, 繼續行, 一路行一路問 (其實係半行半跑架喇, 因為遲左了)
卒之, 見到果舊野喇, 上左條天橋, 就到左酋長球場喇(Arsenal Emirates Stadium)
我地join既tour係9點半開始的, 要9點3去到個entrance報到, 我地到達既時候已經係9點9...
不過佢都比我地入, 拿拿臨上去個lounge度聽佢up下飲啖野
而果個lounge就係球場正中間既最頂, 講完哂, 就可以行出去影相喇！ARSENAL！！！！！
之後經過佢地既醫療室同埋按摩浴池, 就去到更衣室喇
亨利個位係正中間, non-stop咁有人.....我地臨走先影到咋
然後穿過球員通道, 就去到後備席同教練區喇！
雖然有野框住個草地, 但係我地都有偷偷地踩下 hehe
接住就係記者室, 即係平時向傳媒公佈轉會消息既地方
完成成個tour, 就去大出血喇, 雖然明知係呢度買野實貴過出面, 但都忍唔住手
呢件咁可愛既baby衫, 當然成為我既囊中物啦！
仲買左堡堡既相, 2條scarf, 2個瓷杯, 同1件背心仔, 都好似買左成50幾磅lu....
行番去tube站, 就會經過2座炮台同巨大既ARSENAL字母石雕喇！
仲有少少時間, 我地2個再去左1撻我地好想去既地方, 就係King Cross火車站喇！
依個火車站, 就係Harry Potter乘坐霍格華茲列車既車站啦！！！
為左一眾戲迷, 佢地仲特地整左個9又4分3月台, 仲有架手推車添 (當然係推唔郁的...)
睇旅遊書係話佢地掛左幾面霍格華茲既旗係月台的, 唔知係miss左定係拆走左呢？
BTW, 呢個車站好古老好有味道
買左杯咖啡就出發去集合地點Piccadilly Circus喇, 呢度亦都係我好想親身去下既地方
(Piccadilly Circus 係倫敦其中1個地標, 即係平時"瞬間看地球"影既地方)
著名既Eros愛神像, 同大大個TDK廣告牌 :Ｄ
呵呵呵, 係度hea既感覺好得意, 同埋英國d鴿真係唔驚人架！
Lunch就食左Burger King, 塊肉都係同香港差唔多, 不過薯條好食D就真既
今日係Shopping日, 我地係附近行左陣名店, 就搭車去Knightsbridge-Harrods喇！
Harrods第個名好似叫法老王百貨？入面d裝修係仿埃及建築的
好大, 雖然得5層左右, 但面積差不多係2個CWB sogo, 而且係會蕩失路果隻
人地話Harrods乜都有得賣, 我地見到好頂癮既係有snooker抬, 同埋高過一個人既北極熊、獅子之類既公仔....
係Harrods最深刻既就係行行下突然聽到Queen的Don't stop me now...(我日記播緊呢首)
果下我真係呆左企係度, 不得了....佢把聲好好聽好震撼.........
首歌好熟, 但諗極都諗唔到係咩...最後Freddie: lalalala~果幾下, 我感動到想喊...........
最後買左d茶葉同埋一個Harrods tote bag就走了~
番到去, 又係沖完涼就訓, 連飯都無食again.........
20/2/2007
今日既行程就係去劍橋(Cambridge)喇, 樹仔帶住昨天買既Arsenal scarf, 食完早餐預備出發既時候...
manager 突然走埋黎捉住佢條scarf, 然後嗌: Chelsea~Chelsea！哈哈~
搭tube去到Victoria, 行一陣就去到coach station 等車去劍橋喇！佢地d站都幾型, 有冷氣有哂gate, 你搭咩咩咩號巴士就去咩gate度等入閘啦
嘻嘻, 一隻bird被困於站內~~
Cambridge其實係一個小鎮, 一個好古色古香, 兼悶到出汁既小鎮, 所以想唔用功讀書都幾難.....
去左St. Christ College, King's College等, 好美！
呢棟野我企係度望左好耐, 都係覺得似係假的(一個平面), 但事實係堅架囉！
lunch食左d鬼佬pie, 不對胃口...反而d pizza就好正！
食飽飽又起行, 去左搭船仔遊康河
見到有D人(學生？)租船自己撐, 撐唔掂好搞笑, 撞左埋岸郁唔到....
經過嘆息橋(The bridge of sigh), 點解叫嘆息橋呢, 撐船哥哥仔話係因為D學生經過條橋就到考試既地方囉
而且佢仲話哈利波特第1集亦都有影過呢棟野, 又好似係喎
4點零5點就回程喇, 搭coach番London, 係London Eye 附近落左車, 買飛上去睇夜景
而依一晚我地就去左酒店附近既"ASK", 咦都係無扒食架原來.....
咁就食番意粉/pizza/沙律之類啦, 好彩除左個沙律(D雞好鞋口呀救命), 其它都好正！
仲開左支white wine, 埋單差唔多70磅, 番到酒店都係9點零鐘, 沖個涼就訓喇！幾健康~~
21/2/2007
今朝又要一早起身喇, 我地join左個1 Day tour, 去Salisbury Cathedral, Stonehenge & Bath
搭車時經過一個軍事博物館, 出面有2架戰機！好型！
之後又見到架坦克...架坦克係係條馬路度行架囉...(why？！)
Salisbury Cathedral, 天氣好好, 影出黎係覺得似畫多過係真實的...
Stonehenge 完全係到處一遊啦, 一堆怪石陣, 沒大興趣, 淨係覺得凍到飛起
外國的天空, 真係可以咁遼闊
Bath(巴斯)係一個古城, 據說以前呢道係貴族先會黎渡假, 但依家就遊人多過居民咁滯
首先參觀左羅馬浴場(The Roman Bath), 之後周圍行下街, 終於比我搵到Thorntons的toffee喇！
以前有個auntie係英國成日買比我食, 我都要買番盒比媽媽先！
走果陣已經係夜晚喇, 搭旅遊巴番歸
夜晚佢地d highway係唔開燈架, 同埋d車係飛住咁去
最後一日係英國, 食左餐Burger King就番去汁行李, 因為第日要離開英國喇！
沒有留言:
張貼留言