朝早起身就要拖住d gip去Waterloo站搭Eurostar, Waterloo站好cyber好型啊
到左喇, 頂...由第1卡拖到去第18卡！
上到車坐定就去餐卡買早餐, 我地等緊既途中又影下相咁
之後個鬼佬(算係waiter吧？)就話不如幫我地影, 比左部Canon佢
佢一拎起就"wow!" 我地RR頭, 之後佢話: "It's interesting!"
原來佢講緊個face detection, 咁我地解釋完一輪, 佢再幫我地影
臨影果下佢又拎開對住我地話: "WOW! AMAZING!!!"
笑完, 終於肯正經幫我地影喇, 但係之後佢又叫第個黎玩下部機, 哈哈
搭左3個零鐘, 終於到左法國喇！
首先搭Metro去酒店check-in先, 法國d地鐵度門係要你用手拉一拉個柄先會開架
到左Chatelet站, 西利！第1次就揀岩個出口呀！！
(仆街接住幾日都試過出錯唔同出口, on9...係完全唔知自己去左邊, 兜左勁遠架囉！)
(係有D似銅鑼灣咁, 你要去sogo, 點知出左時代, 仆街, 唔熟點識兜？)
法國呢間就靚好多喇, Novotel, 成千4蚊晚架, 結果當然係不負眾望 (你睇個lobby幾型！)
一上房, WOW, 間房好大, 張床King's size, 洗白白同去砵砵係分開既
而個洗手盆.............容後再談.........................
攤係sofa睇電視, 估佢唔到, 竟然做緊法文版既哈姆太郎！！
雖然個景都係望樓, 但係望住呢d樓真係人都舒服D....
抖夠, 就出去食個飯同周街逛下喇
第1餐都食得唔錯, 食扒, 沙律, Risotto之類, 但係野飲真係貴-到-彈-起.......
一杯大既檸茶, 索價係8euro架！！！！！
其實係因為法國人鍾意嗌杯野飲然後hea上好一段時間, 唔貴點圍皮呢
依餐咁就去左120euro, 所以之後幾日都醒水, 嗌支大既evian share
但係感覺好奢侈.....水都成舊水一支...................
行去聖母院, 發現好多benz.....原來佢地係用benz黎做的士....
哈哈, 隨意係出面逛, 都見到2個唔同既旋轉木馬
入左聖母院逛
之後去左龐比度藝術中心, 因為好近酒店
我都係番到黎香港先知呢個龐比度係咁巴閉架.....！！！
23/2/2007
今日去左搭船船, 買左1 Day Pass, 係聖母院站塔到去凱旋門果邊, 好拿柒凍呀！！！
由香榭麗舍大道一直行, 途中經過Benz & Peugeot 的 showroom A_A
肚仔餓就搵左間餐廳仔解決, D lasagne好味到震呀！之後仲整左個焦糖燉蛋黎做dessert, 無得頂！！
食飽又行喇, 仆街一出門口就落雨喇！終於到喇, omfg.......
4方八面完全無遮擋...D風+雨水係巴巴聲兜口兜面劈過黎, 吹到鼻水直流.........
原來凱旋門對出係總共有12條馬路, 東南西北咁每邊1條
然後中間再叉開多2條, 好顛
法國成街都係smart car, 誇張程度係廿架必定會有一架係果隻
所以企係凱旋門睇車車, 成日見到幾架一樣既smart car好似係度排隊咁...
之後去左shopping, 行LV總店, 見到有人拖住隻大golden入LV！！
睇睇下, 都係忍唔住手買左個........拿拿拿, 黎到法國無奶油唔整番個姐！
750euro, 退番90euro, 都抵丫.............(死港女收皮啦你)
service很好很貼心, 仲有LV牌橙汁飲添！(講笑je.....)
一人抽一袋咁離開LV, 仲走入Gucci踩場, 相比下Gucci就失色好多 (咁人地話哂都係意大利牌子.....)
其實都無話特別平過香港, 但係梁媽都整多個Gucci, 幾靚架！
今日真係Shopping day, 我地又搭metro去La Fayette(老佛爺)百貨
D香港人多到....個個排隊等入LV.................(類似cwb Sogo Gucci XD)
其實我覺得老佛爺係麻麻地的, 一上到二樓以上就覺得好殘舊, Harrods grand 廿皮...
再過埋隔離春天百貨, 又失守！！係Gucci買多左個細袋！！！呀！！！！！！！
算啦, 財散人安樂, 行Gourmet, 買左d salami, 生果, 甜品番去整麵食, 又一餐
依日真係累到pk！
24/2/2007
今日我地出發去凡爾賽宮(Versailes), 搭metro再轉火車, 法國d火車有2層架！不過又係殘殘舊舊咁...
一入去第1個地方係教堂咁既, 咁D遊客當然係咁影相啦
人地大大隻牌寫住唔比閃光燈, 但係閃光燈依然閃過不停
最搞笑既係個實Q每一次都係望住Tree果部(大機)....但係佢係無開過架囉--
好多係天花的畫, 好立體好真實, 尤其D角落位, 你會覺得係真既而唔係畫的......望住拿破侖係聖母院為佢既皇后加冕呢幅畫時, 我個心諗緊既係Tiara.....
行完哂, 就出去佢果個大過維園既私家花園逛, 頂, 駛唔駛大到咁呀？
食飽再行, 又落雨, 係法國3日都落雨, 好可憐
番到Chatelet, 大獲飯, 出錯出口不特止, 仲要唔知兜左去邊
不過傻人有傻福, 經過一棟野前面見到好多Police & 保安, 又鋪哂紅地毯咁
番到酒店夜晚開電視, 見到有法國本地的電影頒獎典禮, 就係正正頭先經過果度舉行！~
25/2/2007
搭火車去迪士尼仔, 落雨, 買左史迪仔手套
玩左好@(#$!($#!(&$#!顛既過山車, 嗌到喉都沙 (就係前排玩死人果部...)
玩左世界真細小, 原來好得意架, 好夢幻
玩左Pirates, 呢個好正呀！！！香港有就好lu...
巡遊無乜點睇, 因為落住雨, 凍到九彩, 無哂feel囉....
好頂癮地, 只係見過一次Micket, 除此之外, 係一隻卡通人物都見唔到架！！
夜晚同仁仔落左去買野食上酒店食, 好似係買左麥當勞同埋kfc
仲好記得當時排隊果陣, 係我四周圍既都係高我成個頭既黑鬼, 好驚呀我當時！！！
26/2/2007
最後1day係hea遊羅浮宮, 入場check bag果陣, 實Q哥哥同我講左韓文既你好, 我擰頭, 佢再用日文講, 我又擰頭, 最後用國語講, 我都係擰頭...haha!
其實行左好耐好耐, 最終d館都係睇唔哂.......
都係果句, 蒙羅麗莎的微笑真係好細...
最後出去影相相
番酒店hea, 好爽呀！如果係香港已經番緊工了, 但係係法國就係超hea
然後食大餐, 有法國鍋牛食！
之後去巴黎鐵塔, 有幾個又係full ac set既差佬拎住槍係度行
係鐵塔底係勁多人渣住一抽抽鐵塔仔鎖匙扣賣, 我地都想買一咋鐵塔仔做手信(1euro@！好抵！)
但係又驚會唔會好似大陸d乞衣咁, 你比得錢1個, 就有一堆人衝過黎
到我地決定買既時候, 身邊竟然一個都無..........................
算喇, 行番去地鐵站既中途, 見到2個喎！行到埋去, pk, 佢2個係度傾計.......
咁我究竟幫邊個買好呀！！！？幫a買, b會唔會郁我地架....
結果就係無買囉.............
27/2/2007
起身, 再hea下, 就要搭番Eurostar番倫敦喇
本來諗住去溫莎堡, 但係仁仔爸爸唔舒服, 大家唯有係機場hea, 食下tea, 行下dutyfree就入閘
多人到爆廠, 某幾個gate係同一個位入, 果個位塞到完全入唔到, 且一度失散..................
架機8點半起飛, 我地係8點9先順利入到去, 差唔多9點, 先見到梁爸梁媽.......
最後大家平安上機, 但係都delay多大概半個鐘先番去
睇左巴別塔 (果陣岩岩上咋!), 睇到我好心up......頂唔順
好彩臨落機有套瑪麗皇后幫我平衡番, 雖然佢既下場都幾悽涼......
終於終於, 番到香港喇！而番黎依一日, 個市係跌8百幾點架......
總括, 我係喜歡英國多過法國9千幾萬倍
雖然幾日係法國好優閒, 但係感覺治安好差
我地有一晚係酒店出面果個小廣場仔係見到差唔多10個差佬係度巡 (類似香港藍帽子)
唔同香港既係, 佢地渣住長槍架！！！！！
同埋好污漕囉頂....番到倫敦覺得簡直係天堂
倫敦地鐵當然無香港咁完善咁靚咁乾淨, 但係法國真係衰Q到...
個地係超爆污漕, 唔係無人掃既, 但係你會見到掃哂落d櫈底...........
仲有唔記得邊日我地係地鐵站入面, 見到有屎囉.........
我當然唔會深究係人屎定係狗屎, 我淨係記得, 果分零鐘既路程係要全程閉氣........
英國人亦都比法國人好, 雖然法國人好多5官都好靚, 但係表情好冷漠
相反英國人係無咁好樣........不過佢地都好nice好helpful既！
英國係可以翻兜既, 不過法國就...咪搞喇！
Hi 咁多個睇到依度既朋友仔！
沒有留言:
張貼留言